طريقة عمل الشاور جيل للأستحمام فى البيت

اليكى طريقة بسيطة

 وغير مكلفة لعمل شاور لجسمك 

وبمكونات متوفرة وسهلة 

(( المكونات الى هنحتاجها ))

نصف صابونه مبشوره 

ربع كوب ماء ورد

خمس اكواب مياه مغليه

الكمية دى بتعمل لتر ونصف شاور جل

(( الطريقه ))

هنجيب الصابون المبشور ده ندلق عليه 4 كبايات من المياه 

المغليه ونفضل نقلبهم كويس

اهم حاجه نكون حاطينهم فى حاجه الومنيوم مش بلاستيك 

ونقلبهم بحاجه خشب ونفضل نقلب

لحد ما الصابون كله يدوب وهيعمل رغاوى زى الصوره دى

وبعد كده هنسيب الخليط زى ما هو لمدة 4 ساعات متواصله 

وبعد الاربع ساعات هيبقى بالشكل

 ده هيكون كله خليط ماسك نفسه

وبعد كده هنجيب كباية المياه المغليه ندلقها على الخليط ونقلبه

 كويس لحد ما يبقى سائل 

هنضيف عليه مياه الورد 

وده شكله النهائى قبل ما افضيه فى ازازة شاور جل فاضيه